2026 жылғы 10-14 тамыз аралығында Алматы қаласында АИТВ-мен өмір сүретін жасөспірімдерге арналған Республикалық жазғы лагерь өтті. Ақмола облысынан лагерьге екі бала қатысты.
Жыл сайын өткізілетін ауқымды іс-шараны «Равный равному плюс» қоғамдық бірлестігі ұйымдастырды.
Осы күндері 50-ден астам жасөспірім таулы аймақтағы көрікті жерде демалып қана қоймай, өз денсаулығы, құқықтары мен мүмкіндіктері туралы маңызды ақпарат алып, түрлі мамандықтарды байқап көрді және шығармашылық іс-шараларға қатысты.
Лагерь аяқталған соң балалар өздерімен бірге жағымды эмоциялар, жарқын әсерлер мен сыйлықтарды алып, ең бастысы — жаңа достар тауып қайтты.
Орталық психологы, қатысушыларға жетекшілік еткен Маргарита Рыбина атап өткендей, жазғы лагерьдің негізгі мақсаты — жасөспірімдер үшін қарым-қатынас жасауға, қолдау көрсетуге және тәжірибе алмасуға мүмкіндік беретін қауіпсіз орта қалыптастыру, олардың АИТВ, құқықтары мен мүмкіндіктері туралы ақпараттандырылуын арттыру, сондай-ақ өзіне және өз күшіне деген сенімін нығайтуға көмектесу.
-->
