Көптеген адамдар адам папилломасы вирусы (АПВ) туралы естігенімен, оның жатыр мойны обырының негізгі себептерінің бірі бола алатынын бәрі бірдей біле бермейді.
Бүгінде Қазақстанда жатыр мойны обыры әйелдер арасындағы онкологиялық аурулар бойынша екінші орында тұр. Соңғы 20 жылда бұл аурудың таралуы 26%-ға артқан.
Әсіресе АИТВ-мен өмір сүретін әйелдер өз денсаулығына мұқият болуы керек: оларда жатыр мойны обырының даму қаупі алты есе жоғары.
Бірақ жақсы жаңалық та бар: АПВ-мен байланысты обырдың алдын алуға болады.
Сондықтан әлемнің көптеген елдері АПВ-ға қарсы вакцинацияны енгізуде. Қазіргі таңда мұндай екпе әлемнің 125 елінде қолданылады, ал кейбір мемлекеттерде вакцинация 10 жылдан астам уақыт бойы жүргізіліп келеді.
Вакцина туралы нені білу маңызды? Оның құрамында тірі вирус жоқ және ол АПВ жұқтыруға себеп болмайды.
Вакцинацияны ұзақ уақыттан бері жүргізіп келе жатқан елдердің нәтижелері шынымен әсерлі:
- қауіпті АПВ түрлері азайды;
- жатыр мойнындағы обырға дейінгі өзгерістер төмендеді;
- жатыр мойны обыры жағдайлары қысқарды;
- үшкір папилломалардың таралуы шамамен 90%-ға азайды.
Денсаулыққа қамқорлық - ақпараттанудан және дұрыс шешім қабылдаудан басталады.
-->
