2025 жылғы 31 қазанда Ақмола облыстық АИТВ-инфекциясының алдын алу орталығының мамандары "Panacea clinic" ЖШС жастар денсаулық орталығымен бірлесіп Красный Яр ауылының көпсалалы инновациялық колледжінің студенттеріне алдын алу акциясын өткізді.
Кездесуге 100-ден астам бірінші курс студенттері қатысты. Көпшілігі үшін бұл АИТВ және жыныстық жолмен берілетін инфекцияларға қатысты маңызды тақырыптарды ашық талқылаудың алғашқы мүмкіндігі болды.
Айта кетсек, бұл күні олар тек жұғу жолдары мен алдын алу шараларын ғана емес, сонымен қатар өз денсаулығына жауапкершілікпен қараудың маңыздылығын да талқылады.
АИТВ орталығының алдын алу жұмысы бөлімінің меңгерушісі- Асель Балтабаева атап өткендей, қазіргі заманғы денсаулық сақтау мәдениетінде өзінің АИТВ мәртебесін білу қалыпты жағдай.
Жастар денсаулық орталығының психологы Улпан Аманбаеваның айтуынша, «Мұндай кездесулер жастарға сенімді ақпарат алуға ғана емес, сонымен қатар өздеріне және басқаларға саналы және құрметпен қарауды қалыптастыруға, қауіпсіз жыныстық мінез-құлық дағдыларын дамытуға көмектеседі».
Іс-шара достық, сенімді күйде өтті. Студенттер талқылауға белсенді қатысып, өз пікірлерімен бөлісті, мамандарға сұрақтар қойды. Мұндай акциялар жастар арасында денсаулық мәдениетін қалыптастыруға ықпал етеді және АИТВ-инфекциясы туралы хабардар болу деңгейін арттырады.
