2025 жылы 18 шілдеде Көкшетау қаласының орталық базарында АИТВ-инфекциясы туралы халықты ақпараттандыру акциясы өтті. Әдеттегідей, Ақмола облыстық АИТВ-инфекциясының алдын алу орталығының қызметкерлері қала тұрғындарымен және қонақтарымен АИТВ-инфекциясының таралу жолдары, алдын алу әдістері және уақытында тексерілу маңыздылығы туралы әңгімелесіп, бүктемелерді таратып, акцияның қатысушыларының сұрақтарына жауап берді.
Айта кетсек, кез-келген адам АИТВ-ға жедел тестілеуді сол жерде тапсыра алады – бұл үшін арнайы жабдықталған көлікте тестілеу пункті орнатылған. Мұндай шығулар адамдардың хабардар болу деңгейін арттыруға мүмкіндік беріп қана қоймай, сонымен қатар ем-шара кабинетіне бармай-ақ, 4-ші буын тест жүйелерін пайдалана отырып, бірнеше минут ішінде өзінің АИТВ жағдайын білуге бірегей мүмкіндік алады. Қала тұрғындары өз ісімен асығыс кетіп бара жатса да, бұл мүмкіндікті тиімді пайдаланды.
