
2025 жылғы 13-15 мамыр аралығында Ақмола облыстық АИТВ-инфекциясының алдын алу орталығы мамандарының бригадасы Атбасар және Астрахан аудандарына жұмыс сапарымен барды.
Сапардың негізгі мақсаты АИТВ-инфекциясының алдын алу және емдеу мәселелері бойынша тәжірибелік және әдістемелік көмек көрсету болды. Қазақстан Республикасында 2023-2026 жылдарға арналған АИТВ-инфекциясының алдын алу шараларын іске асыру жөніндегі Жол картасына сәйкес, медицина қызметкерлерін даярлау жүргізілді.
АИТВ-мен өмір сүретін адамдарға қатысты стигма мен кемсітушілікті жеңу, жүктілік, босану және емшек сүтімен емізу кезінде АИТВ, мерез және С вирустық гепатитінің берілуінің алдын алу, сондай-ақ мұндай пациенттерді уақтылы тексеру және емдеу, соның ішінде қатар жүретін аурулардың терапиясы мәселелеріне ерекше назар аударылды.
В және С гепатиттеріне, мерезге диспансерлік тексеру және АИТВ-мен (АИТВ-мен өмір сүретін адамдар) тексеру жүргізілді.
Екі күн ішінде орталық мамандары өңірдің медициналық ұйымдарына ғана емес, Атбасар қаласының №1 түзету мекемесіне де барды. Онда АИТВ-мен өмір сүретін адамдармен емделуге бейімділік, сондай-ақ ұстара керек-жарақтарын қоса алғанда, жеке гигиена заттарын пайдалану кезінде сақтық шараларын сақтау мәселелері бойынша түсіндіру жұмыстары жүргізілді.
Мекеме қызметкерлері үшін ашық диалог форматында семинар сабақтары ұйымдастырылды.