2024 жылдың 22 қарашасында Ақмола облыстық АИТВ-инфекциясының алдын алу орталығында Дүниежүзілік ЖИТС-пен күрес күніне арналған Ашық есік күні өтті.
Бұл күні фойеде келушілерді ақпараттық-білім беру материалдары мен пайдалы ақпараты бар орталықтың медицина қызметкерлері қарсы алды.
Айта кетейік, Ашық есік күнін өткізу кезінде кез-келген адам инфекционист, дерматовенеролог дәрігерлерінен кеңес алып, сондай-ақ жедел әдіспен АИТВ-ға тестілеуден өте алды.
Бұл іс-шараның маңызды мақсаты: халықтың АИТВ-инфекциясы туралы хабардарлығын арттыру болды. Өйткені, тек ақпараттандырылған қоғам ғана өзін инфекция қаупінен қорғап, АИТВ-мен өмір сүретін адамдарға стигма мен кемсітусіз орта қалыптастыра алады.
