2024 жылғы 16-18 қазан аралығында Ақмола облыстық АИТВ-инфекциясының алдын алу орталығының мамандары Жарқайың, Есіл және Жақсы аудандарында болды.
Осы аумақтық бірліктердің медициналық ұйымдарында алдыңғы сапарлар барысында анықталған ескертулерді жою жөніндегі іс-шаралардың орындалуына мониторинг жүргізілді.
Сенімді дәрігерлермен бірлесіп, нормативтік-құқықтық актілердің, әдістемелік ұсынымдардың жаңа талаптарын, сондай-ақ ағымдағы жылдың 9 айындағы жұмысты талдауды ескере отырып, жұмыс жоспарына түзетулер енгізілді.
Жыныстық жолмен берілетін АИТВ-инфекциясы жағдайларының тіркелуінің өсуіне байланысты облыс бойынша 29-49 жас аралығындағы топта халық арасында ақпараттық жұмысты күшейту ұсынылды. Ол үшін АІІБ, білім беру ұйымдары, халықты әлеуметтік қорғау, ішкі саясат бөлімдері және басқалар сияқты мүдделі ведомстволарды тарту қажет.
Мониторингтік топ жұмысының маңызды аспектісі медицина қызметкерлерін АИТВ-ға жедел тестілеу әдістемесі бойынша практикалық сабақтар өткізе отырып, АИТВ-инфекциясы мәселелеріне оқыту болды.
Орталықтың ұйымдастыру-әдістемелік бөлімінің меңгерушісі Сабира Әшімованың айтуынша, соңғы уақытта 3-4 кезеңде АИТВ-инфекциясы алғаш рет анықталған пациенттердің стационарларға түсу жағдайлары жиілеп кетті. Бұл антиретровирустық препараттармен емдеуді ерте бастау мүмкіндігін жіберіп алуға әкеледі.
Сондай-ақ, медицина қызметкерлері жүкті әйелдер мен олардың жыныстық серіктестерін уақтылы тексеруге көбірек көңіл бөлуге шақырылды, өйткені әйтпесе АИТВ-ны кеш анықтаған кезде жұқтырған балалардың туылу қаупі артады.
Семинар соңында АИТВ-инфекциясы мәселелері бойынша дәрігерлер мен медбикелердің біліміне тестілеу өткізілді.
