Жаздың қызып тұрған кезі. Бұл дегеніміз - ашық ауада АИТВ-инфекциясының алдын алу бойынша акциялардың уақыты қарқын алуда.
2024 жылғы 17 шілдеде Көкшетау қаласының Орталық қалалық саябағының аумағында жедел тестілеу және кеңес беру мобильді пункті ашылды, онда әрбір тілек білдіруші өзінің АИТВ мәртебесін біліп, мамандардан кеңес ала алады.
Бұлтты ауа-райына қарамастан, саябақта демалушылар акцияға қызығушылықтарын танытты, тіпті жаңбырлы күн болса да, пайдалы ақпарат алуға және тестілеуден өтуге кедергі болмады.
Акцияны ұйымдастырушылар жаңбыр кезінде велосипедпен келе жатқан қыздың АИТВ-ға тестілеуге шақырған баннерді байқап, тоқтап, жедел диагностикадан өткені есте қаларлықтай болды. Оның пікірінше, мұндай іс-шаралар қажет және маңызды, өйткені олар адамдардың АИТВ-инфекциясы туралы білімдерін арттырып қана қоймайды, сонымен қатар олардың тәуекелдерін бағалауға және қажет болған жағдайда тестілеуден өтіп, бірден нәтиже алуға мүмкіндік береді.
Естеріңізге сала кетейік, саябақта және Орталық әмбебап дүкен аумағында осындай акциялар ай сайын шілдеден қазанға дейін айына бір-екі рет өткізіледі. Өткізу уақыты туралы толығырақ біздің әлеуметтік желілерден біле аласыз.
