Бүгін, 2024 жылғы 31 мамыр күні "Қазақстанда ТБ тоқтатайық" Ұлттық әріптестігін дамыту және Ақмола облысында туберкулез ауыртпалығын төмендетуге азаматтық қоғамдастықты тартуды күшейту бойынша адвокациялық кеңес өтті.
Адвокациялық кеңеске: Қазақстан Республикасының Ұлттық фтизиопульмонология ғылыми орталығы, Жаһандық қор гранты жобасын іске асыру тобы, «Қазақстандық фтизиопульмонологтар қауымдастығы" қоғамдық бірлестігі, облыс және қала әкімдігінің өкілдері; қалалық мәслихаттардың депутаттары, Денсаулық сақтау басқармасы, Ақмола облыстық фтизиопульмонология орталығы, Санитарлық-эпидемиологиялық бақылау департаменті, "АИТВ-инфекциясының алдын алу орталығы", "Психикалық денсаулық орталығы", Қылмыстық-атқару жүйесі департаменті, Қаланың жұмыспен қамту және әлеуметтік бағдарламалар бөлімі, Қалалық әлеуметтік бейімдеу орталығы, Экономика және бюджеттік жоспарлау басқармасы, "Қазақстандағы" денсаулық жолындағы серіктестер", «Игілік» туберкулезбен сырқаттанушылықтың алдын алу және азайту жөніндегі қоғамдық қоры,"Санат әлемі" ҚҚ филиалы қатысты.
Аталмыш кеңестің ерекшелігі халықаралық гранттарды (ЖҚ, СТБЖС) және Мемлекеттік әлеуметтік тапсырысты іске асыратын туберкулез бағдарламасының серіктестерінің қатысуы болды. Тәжірибе алмасу үшін Алматы мен Астанадан ҮЕҰ өкілдері шақырылды. Кездесу барысында Ақмола облысында СТБ ҰС өкілдігін құру туралы Декларацияға қол қойылды. Меморандумға облыс әкімдігі мен СТБЖС арасында қол қойылды.
Аталған кеңестің ұйымдастырушылары: Қазақстан Республикасының Ұлттық фтизиопульмонология ғылыми орталығы жанындағы Жаһандық қор грантының жобасын іске асыру тобы, Ақмола облысының денсаулық сақтау басқармасы, Ақмола облыстық фтизиопульмонология орталығы, "Денсаулық жолындағы серіктестер", "Игілік" ҚҚ өкілдігі.
Бүгінгі кездесудің мақсаты - «Стоп туберкулез» серіктестігін дамыту арқылы оны індет ретінде жоюға мүдделі ұйымдардың күш-жігерін біріктіру арқылы туберкулез ауруын төмендету, сондай-ақ «Stop TB» ұлттық серіктестігін дамыту. Қазақстандағы фтизиопульмонологиялық қызметтің Жол картасын іске асыру және туберкулез ауыртпалығын төмендетуге ҮЕҰ-ды тартуды күшейту.
Бұл іс-шара ҚР ДСМ 2022 жылғы 28 желтоқсандағы №1195 бұйрығымен бекітілген Қазақстан Республикасында фтизиатриялық және пульмонологиялық қызметтерді дамытудың 2023-2025 жылдарға арналған Жол картасы шеңберінде, сондай-ақ "Туберкулез" компоненті бойынша 2023-2025 жылдарға арналған Жаһандық қор грантының іс-шаралары шеңберінде офлайн және онлайн форматтарда өткізіледі.
Адвокациялық кеңестің негізгі міндеті Ақмола облысында "Стоп ТБ" Ұлттық серіктестігін дамыту болып табылады. Бүгін "Қазақстандағы СТОП ТБ" Ұлттық серіктестігіне қосылу ниеті туралы Декларацияға және "Қазақстандағы Стоп ТБ"Ұлттық әріптестігін дамыту шеңберіндегі өзара түсіністік және ынтымақтастық туралы Меморандумға қол қойылды.
