2024 жылғы 23 мамырда ҚР Президенті жанындағы Мемлекеттік басқару академиясының Ақмола филиалында АИТВ-инфекциясының алдын алу бойынша мемлекеттік қызметшілермен ақпараттық кездесу өтті.
Іс-шарада Ақмола облыстық АИТВ-инфекциясының алдын алу орталығының маманы - Нурлыбек Конуспаев сөз сөйледі.
"Бүгінгі кездесуіміздің үш мақсаты бар. Біріншісі - ақпараттық. АИТВ-инфекциясы туралы хабардарлықты арттыру денсаулықты сақтау және АИТВ-мен өмір сүретін адамдарға төзімділік үшін маңызды. Екіншісі - білім беру. Балаларыңызбен жыныстық қатынас және жыныстық тәрбие туралы сөйлесу дағдыларын игеру. Үшіншісі - кәсіби. Мемлекеттік қызметшілер АИТВ-инфекциясы мәселелері бойынша өңірлік саясатқа қандай да бір түрде әсер етуі мүмкін, сондықтан сенімді ақпаратқа ие болу дұрыс басқару шешімдерін қабылдауға ықпал етеді", - деп атап өтті кездесудің басында спикер.
Сонымен қатар, ақпараттық іс-шарада жұқтыру жолдары мен алдын алу шараларына, сондай-ақ АИТВ-мен байланысты мифтер мен стереотиптерді жоюға ерекше назар аударылды.
Естеріңізге сала кетейік, осы жылдың алғашқы төрт айындағы статистикаға сәйкес, негізгі жастағы тәуекел тобы - 30-49 жас аралығындағы адамдар. Олар көрсетілген кезеңдегі барлық анықталған жағдайлардың 60 % құрайды.
