Мамырдың әр үшінші жексенбісінде бүкіл әлемде ЖИТС-тен қайтыс болған адамдарды еске алу күні атап өтіледі.
2024 жылғы 14-17 мамыр аралығында Көкшетауда осы атаулы күнге арналған үш ақпараттық акция өтті.
Облыс орталығының үш орнында, «РИО» ССО, Орталық әмбебап дүкені және қалалық саябақтың аумағында ақпараттық-диагностикалық пункттер орналастырылды, онда кез келген адам АИТВ мәселелері бойынша мамандардан кеңес алып, АИТВ-ға тестілеуден өте алады.
«Мұндай ақпараттық шаралар қаламыздың тұрғындары мен қонақтары үшін жақсы дәстүрге айналды. Олар біздің іс-шараларымызға белсенді қатысып, тестілеуден өтіп, орталық мамандарына өте өзекті сұрақтарын қойып, @akmaitv.kz Instagram желісіндегі ресми аккаунтында бейне-пікірлерін қалдырған жастарды атап және алғыс айтқым келеді», - деп өз пікірімен бөлісті алдын алу жұмысы бөлімінің меңгерушісі Балгын Сарбасова.
Медицина қызметкерінің айтуынша, мұндай акциялар жаз бойы қалалық саябақта өтеді.
Айта кетейік, үш акцияға 200-ден астам адам қатысып, олардың 50-і іс-шара өтетін жерде өздерінің АИТВ мәртебесін біле алды.
