2024 жылғы 23-25 сәуір аралығында Ақмола облыстық АИТВ-инфекциясының алдын алу орталығы мамандарының бригадасы ұйымдастыру-әдістемелік және тәжірибелік көмек көрсету мақсатында Ерейментау және Аршалы аудандарына барды.
Орталықтың дәрігерлері аудандарды аралау барысында, АИТВ-инфекциясы мәселелері бойынша іс-шараларды ұйымдастыру, ауруханаішілік АИТВ-инфекциясының алдын алу қағидаттарын сақтау бойынша жағдаймен танысты, сондай-ақ АИТВ-инфекциясының алдын алу мәселелері бойынша ведомствоаралық өзара іс-қимыл мәселелерін талқылады.
Айта кету керек, екі өңірде де АИТВ-инфекциясының таралуы орташа деңгейде. Инфекцияның негізгі берілу жолы – жыныстық қатынас болып табылады. Жас құрылымында 29-49 жас тобы басым. Әлеуметтік мәртебесі бойынша жұқтырғандардың үштен екісі белгілі бір білімі бар жұмыс істейтін адамдар.
Мұндай жағдай медицина қызметкерлерінің әлеуметтік желілер мен БАҚ-тарды пайдалана отырып, орта жастағы тіркелген тұрғындар арасында ақпараттық-білім беру жұмыстарын жүргізу қажеттілігін көрсетеді.
Сонымен қатар, жұмыс қорытындысы бойынша оқыту семинарлары өткізіліп, онда облыстағы АИТВ-инфекциясы бойынша эпидемиологиялық ахуал, АИТВ-инфекциясы бойынша нормативтік актілердегі өзгерістер, АИТВ-инфекциясын анықтауға міндетті тексеруге клиникалық және эпидемиологиялық көрсеткіштер, зертханалық зерттеулердің аналитикаға дейінгі кезеңін сақтау мәселелері қамтылды.
Дәрігерлер мен медбикелермен тәжірибелік оқытуда орталық мамандары төтенше жағдайларда АИТВ-ны анықтауға арналған жедел тесттерді өткізу және түсіндіру әдістемесін үйретті.
Екі ауданда да АИТВ-инфекциясы бойынша мәселелерді үйлестіретін жауапты тұлғалар тағайындалды.
