Бүгін орталығымызда еліміздің Конституция күніне арналған салтанатты жиналыс өтті. Ол кез-келген мемлекеттік мереке сияқты Әнұраннан басталды.
Салтанатты іс-шараны аша отырып, орталықтың бас дәрігері- Курманбек Бурмаганов, әріптестерін келе жатқан мерекемен құттықтап, мемлекеттің, қоғамның және әрбір қазақстандықтың өміріндегі негізгі заңның рөлін атап өтті.
Іс-шара бас дәрігердің орынбасары мен бөлім меңгерушілерінің құттықтауларымен жалғасты.
Айта кету керек, ҚР Конституциясының 14-бабының 2-тармағына сәйкес ешкімді шығу тегі, әлеуметтік, лауазымдық және мүліктік жағдайы, жынысы, нәсілі, ұлты, тілі, дінге көзқарасы, сенімі, тұрғылықты жері немесе кез-келген өзге мән-жайлар бойынша қандай да бір кемсітуге болмайды.
Мұндай жағдайларға АИТВ-ның оң мәртебесінің болуы жатады. Басқа адамдардың жұқтыру қаупі бар мамандықтардың шағын тізбесін қоспағанда, АИТВ-мен өмір сүретін адамдардың білім алу, медициналық қызмет көрсету, жұмысқа орналасу құқықтарын шектеуге ешкімнің құқығы жоқ.
Сондықтан, осы маңызды мереке қарсаңында әркімге өз құқықтарын білуге және оларды қорғауға, сондай-ақ Конституцияда, қоғам мен мемлекеттің негізгі заңында жазылған постулаттарды сақтауға және құрметтеуге тілектеспіз.
