15 сәуірде бүкіл әлемде зертханалық диагностика бойынша халықаралық мамандар күні атап өтіледі. Бұл кәсіби мереке, медициналық мекемелердің зертханаларының жұмысы, оның қаншалықты маңызды екендігі туралы аз адамдар біледі. Науқастың жағдайын бағалау үшін ең білікті дәрігер де тест нәтижелерін қажет етеді, сондықтан адамның денсаулығы және көбінесе өмірі зертхана қызметкерлеріне байланысты болады.
Сондықтан бүгін біз, Орталықтың зертханасы туралы сөйлесеміз. Зертханамыз- иммуноферменттік, клиникалық-биохимиялық, иммунологиялық зерттеулер бөлімшесі және полимеразды тізбекті реакция (ПТР) бөлімшесі болып төрт бөлімнен тұрады. Біздің бөлімде үш дәрігер, 13 зертханашы және кіші медициналық қызметкерлердің бес қызметкері жұмыс істейді. Айта кетсек, зертхана бөлімшелері біздің аймақтың Степногорск және Атбасар қалаларында да жұмыс істейді.
Біздің Орталықтың зертханасы АИТВ-инфекциясына, вирустық гепатиттерге, жыныстық жолмен берілетін инфекцияларға және басқа да ЖИТС-пен байланысты ауруларға диагностика, сондай-ақ АИТВ-мен өмір сүретін адамдарды диспансерлеу және емдеу кезінде АРВ-терапиясын жүргізу тиімділігіне мониторинг жүргізуге және шолғыншы эпидемиологиялық қадағалаудың серологиялық кезеңін жүргізуге талдау жүргізеді.
Сонымен, биылғы жылдың үш айында жалпы 69 мыңнан астам зерттеулер, оның ішінде АИТВ-ға 34 мыңнан астам жүргізілді.
Біздің зертхана АИТВ-инфекциясын, В және С гепатиттерін және оппортунистік ауруларды диагностикалауға арналған заманауи жабдықтармен, пациенттердегі иммунограмманы анықтауға арналған ағындық цитометрмен, фотоэлектрокалориметрмен, микроскоппен, биохимиялық және гематологиялық зерттеулерге арналған автоматты аппараттармен, ИХЛТ (иммунохемилюминесценттік талдау) және ПТР (полимеразды тізбекті реакция) автоматты анализаторларымен жабдықталған.
