12 мамыр 2016 жылы Халықаралық ЖИТС-тен қайтыс болғандарды еске алу күніне Ақмола облыстық ЖИТС-пен күрес және оның алдын алу орталығы Ресурстік жастар орталығымен бірге Көкшетау қ. колледждері студенттері арасында спорт эстафетасын өткізді. Барлығы 6 колледж қатысты: Ақан-сері атындағы мәдениет колледжі, Медициналық колледж, Жоғары колледж, Ж.Мусин атындағы педагогикалық колледж, № 1 құрылыс-техникалық колледж және Красный Яр с. № 3 агротехникалық колледж.
5 адамнан тұратын әр команда өз атауы мен ұранын көрсетті, барлығында ерекше киім формасы, белгілері болды. Өз командаларын қолдау үшін қолдарында плакаттары мен жалаушалары бар жанкүйерлер келді. Эстафеталар әр түрлі болды: жылдамдыққа, ұйымшылдыққа, тапқырлыққа, шыдамдылыққа, мергендікке, дәлдікке. Эстафеталар көшбасшылары әр кезеңде ауысып отырды. Барлық жарыстардың қорытындысы бойынша 1 орынды Ж.Мусин атындағы педагогикалық колледж, 2 орынды - № 3 агротехникалық колледж (Красный Яр с.),
3 орынды - Жоғары колледж алды. Барлық жеңімпаздар мен қатысушылар марапатнамамен, бағалы жүлделермен марапатталды, сондай-ақ АИТВ-инфекция бойынша ақпараттық-білімдендіру буклеттері мен бүктемелер таратылды. Сондай-ақ барлық ниет білдіргендер АИТВ-ға экспресс-тестілеуден өте алды, барлығы 12 адам зерттелді.
