2020 жылдың екінші қазан айында Көкшетау қаласында Ақмола облыстық ЖИТС-пен күрес және алдын алу орталығы мен Ақмола облыстық психикалық денсаулық орталығы арасында ведомствоішілік кеңес өткізілді. Облыста АИТВ-инфекциясы бойынша эпидемиологиялық жағдай және инъекциялық есірткіні пайдаланатын, наркологиялық есепте тұрған адамдарды тексеру мәселелері күн тәртібі болып табылды.
ЖИТС орталығы бас дәрігерінің орынбасары Сауле Жаканова мен психикалық денсаулық орталығының наркологиялық қызметінің басшысы Галия Мухамедьярованың кіріспе сөзімен алғашқы психикалық денсаулық орталықтарының меңгерушілері, дәрігерлері мен медбикелері қатысқан кеңес басталды.
Ақмола ЖИТС орталығының эпидемиолог дәрігері Асель Балтабаева инъекциялық есірткіні тұтынатын адамдардың психикалық денсаулық орталығында есепте тұрған тексеру талдауымен сөз сөйледі, сондай-ақ АИТВ-инфекциясы бойынша эпидемиологиялық жағдай туралы да баяндады, бұл ретте тексеру кодтарын беру және есептік деректерді қалыптастыру кезінде жіберілген қателерге ерекше назар аударылды.
Сондай-ақ кеңес барысында психикалық денсаулық бастапқы орталықтарының меңгерушілері А. Сыздықова мен Н.Вороновская баяндама жасады.
Соңында қорытындылар шығарылып, есірткіге тәуелділерді тексеру проблемаларына қатысты бірқатар мәселелер талқыланды.
Естеріңізге сала кетейік, есірткіні көктамыр ішіне енгізу - АИТВ-инфекциясының берілу жолдары құрылымындағы көшбасшылардың бірі, ал есірткі заттарын осы жолмен пайдаланатын адамдарды тексеру – осы контингент арасында АИТВ-ның алдын алудың негізгі бағыттарының бірі.
