2020 жылдың 24 қаңтарында Ақмола облысының Щучинск қаласындағы №8 мектеп-гимназияясында Ақмола облысының білім басқармасы жанындағы оқу-әдістемелік кабинеттің ұйымдастыруымен Ақкөл, Бұланды, Біржан Сал, Бурабай, Зеренді аудандары мен Көкшетау қ. әдіскерлер, директордың тәрбие ісі жөніндегі орынбасарлары, әлеуметтік педагогтар, психологтар, медицина қызметкерлері арасында салауатты өмір салты негіздері бойынша облыстық семинар-тренинг өтті.
Іс-шараға қатысушыларды қамқоршылық, қорғаншылық және тәрбие жұмысы бөлімінің бас маманы Кира Цуневская қарсы алып, семинардың мақсаты мен міндеттері туралы айтып, спикерлерді таныстырды.
Одан әрі есірткі қылмыстылықпен күрес басқармасының маманы, полиция майоры Разия Курсанова облыс аумағында таралған синтетикалық есірткінің жаңа түрлері мен жасөспірімдердің есірткі қолдануын ерте анықтау белгілеріне толығырақ тоқталды.
Есірткінің зияны мен салдары туралы облыстық психикалық денсаулық орталығының психологі Наталья Молодовская айтып, балалар мен жасөспірімдерге психологиялық кеңес беру негіздері бойынша мастер-класс өткізді.
Ақмола облыстық ЖИТС-пен күрес және алдын алу орталығының алдын алу бөлімінің маманы Нұрлыбек Конуспаев білім беру жүйесіндегі АИТВ-инфекциясы туралы ақпаратты және өзекті мәселелері, оның алдын алу туралы ақпаратпен таныстырды.
Салауатты өмір салты саласында жасөспірімдердің жыныстық тәрбиесі және құндылықты бағдарларын қалыптастыру бойынша тренингтерді "Арман" орталығының психологы Галина Анисимова және Бурабай ауданы, Златополье орта мектебінің педагог психолгі Яна Орлова өткізді.
Іс-шара қорытындылаумен және аудиториямен кері байланыс жасаумен аяқталды.
