2019 жылдың 12 қарашасы облыстық "Kokshe" телеарнасының "ÁLEÝMET" бағдарламасында ЖИТС АОО-ның емдеу-алдын алу бөлімнің меңгерушісі Сандугаш Бурмаганова және эпидемиологиялық бөлімнің меңгерушісі Батеш Бапенова тікелей эфирде сөз сөйледі.
Орталықтың мамандары бүкіл республика бойынша 2019 жылдың 5 қарашасынан 5 желтоқсанына дейін "Қоғамдастықтардың шешуші рөлі" тақырыбында Дүниежүзілік ЖИТС-ке қарсы күрес кампаниясының басталғанын айтып, науқанның мақсаттары мен міндеттерін түсіндірді.
Сонымен қатар олар көрермендер мен бағдарлама жүргізушісінің - аймақтағы АИТВ-инфекциясы жағдайы, АИТВ-ны жұқтырудың негізгі жолы қандай, АИТВ-мен өмір сүретін адамдардың жынысы, жасы, әлеуметтік құрылымы қандай, тұрғындар арасында АИТВ-жұқпасының таралуын болдырмау үшін қандай шаралар қабылдануда. АИТВ-жұқпасы бар әйел сау баланы дүниеге ала ала ма, АИТВ-мен өмір сүретін адамдар үшін емдеудің тиімділігі қалай бағаланады деген сұрақтарына жауап берді.
