2018 жылдың үшінші және төртінші қазан күндері «Шаңырақ» әлеуметтік-психологиялық және зерттеу орталығы» қоғамдық қоры, Ақмола облыстық ЖИТС-пен күрес және алдын алу орталығы, «Ана үйі» қоғамдық қорының қатысуымен Ақмола облысы Бурабай ауданында «Жастар денсаулықты таңдайды!» атты ұранымен ақпараттық-түсіндіру іс-шарасын өткізді.
Екі күн ішінде жастар арасында адамгершілік-жыныстық тәрбие тақырыбында, отбасының құндылықтары, ерте жүктілік пен АИТВ инфекциясы, жыныстық жолмен берілетін аурулардың алдын алу бойынша диалог алаңдары мен акциялар өткізілді.
Іс шара барысында Қатаркөл, Кенесары, Оқжетпес, Жасыл селолары мен Щучинск қаласының мектеп оқушылары, студенттері қатысты. Іс шараға 800 астам адам қамтылды.
