Мұндай сұрақ біздің пациенттерімізді жиі қызықтырады.
Мамандардың жауабы біржақты: әрине, болады. Алайда адамның денсаулық жағдайы мен иммундық жүйесінің жай-күйін ескеру маңызды. Сондықтан екпе салдырмас бұрын ЖИТС-тің алдын алу орталығындағы емдеуші дәрігермен кеңесу ұсынылады.
Инактивтелген вакциналар АИТВ-мен өмір сүретін адамдар үшін қауіпсіз, себебі олардың құрамында адам ағзасында көбейе алатын тірі қоздырғыш болмайды. Олар жалпы ұсынымдар мен адамның денсаулық жағдайын ескере отырып қолданылады.
Қазақстандағы Ұлттық егу күнтізбесіне 11 вакцина кіреді. Олардың алтауы инактивтелген вакциналар болып табылады және АИТВ-мен өмір сүретін адамдарға қолданылуы мүмкін:
- көкжөтел, дифтерия және сіреспеге қарсы вакцина (АбКДС);
- полиомиелитке қарсы инактивтелген вакцина (ИПВ);
- пневмококк инфекциясына қарсы вакцина;
- дифтерия мен сіреспеге қарсы вакцина (АДС-М);
- А гепатитіне қарсы вакцина (ВГА);
- адам папилломавирусына қарсы вакцина (АПВ).
Сонымен қатар кейбір вакциналарды қолдану иммундық жүйенің жағдайына байланысты және алдын ала дәрігермен кеңесуді қажет етеді. Оларға туберкулезге (БЦЖ), В гепатитіне (ВГВ), гемофильді инфекцияға (Хиб), сондай-ақ қызылша, қызамық және паротитке (ҚҚП) қарсы вакциналар жатады.
Тірі вакциналарға ерекше назар аударылады. Иммундық жүйе әлсіреген жағдайда олардың кейбіріне қарсы көрсетілімдер болуы мүмкін.
Полиомиелитке қарсы ауыз арқылы қабылданатын вакцина (ОПВ) АИТВ-мен өмір сүретін адамдарға қолданылмайды. Полиомиелиттің алдын алу үшін инактивтелген вакцина - ИПВ қолданылады.
Ұлттық егу күнтізбесіне енгізілген вакциналар тіркелген жері бойынша тегін беріледі.
Ал тұмауға қарсы вакцина туралы не айтуға болады?
АИТВ-мен өмір сүретін адамдар тұмауға қарсы инактивтелген вакцинаны да ала алады. Вакцинация эпидемиялық маусым басталғанға дейін жүргізіледі.
Маңыздысы: АИТВ-ның болуы вакцинациядан бас тартуға себеп емес. Ең бастысы - адамның денсаулық жағдайын ескере отырып, тиісті вакцинаны және оны салдыру уақытын дұрыс таңдау.
Пайдалы ақпаратты біздің @akmaitv.kz парақшамыздан оқыңыздар.
-->
