Дүниежүзілік ЖИТС-тен қайтыс болған адамдарды еске алу күніне орай Көкшетаудың орталық қалалық саябағында АИТВ-инфекциясының алдын алу бойынша акция өтті, оған 100-ден астам қала тұрғындары қатысты.
15 мамырда Ақмола облыстық АИТВ-инфекциясының алдын алу орталығының қызметкерлері көкшетаулықтармен АИТВ жұқтыру жолдары, алдын алу әдістері және уақтылы тексерудің маңыздылығы туралы әңгімелесіп, бүктемелер таратып, акцияға қатысушылардың сұрақтарына жауап берді.
Айта кетейік, кез-келген адам сол жерде тегін әрі құпия түрде АИТВ-ға жедел тестілеуден өте алды - бұл үшін арнайы жабдықталған автокөлікте талдау тапсыру пункті ұйымдастырылды. Мұндай көшпелі шаралар халықтың ақпараттану деңгейін арттырып қана қоймай, сонымен қатар емшара кабинетіне бармай-ақ, 4-буын тест-жүйелері арқылы бірнеше минут ішінде өз АИТВ мәртебесін білуге мүмкіндік береді. Бұл мүмкіндікті өз шаруаларымен асығып жүргеніне қарамастан, көптеген қала тұрғындары пайдаланды.
Орталықтың баспасөз хатшысы - Нурлыбек Конуспаев атап өткендей: «Менің ойымша, мұндай акциялар халықтың АИТВ-инфекциясы туралы ақпараттану деңгейін арттырып қана қоймай, өз денсаулығына жауапкершілікпен қарау мәдениетін қалыптастырады және ең бастысы - стереотиптер мен алалаушылықсыз қоғам құруға ықпал етеді».
-->
