10 қараша 2016 жылы Ақмола ЖИТСОО-да Дүниежүзілік ЖИТС-пен күрес науқанына арналған баспасөз-конференция өтті. Баспасөз-конференцияға ББ, ҚАЖД, ІІД, ЖОО, «Сенім» оңалдыру орталығының өкілдері, облыстық және қалалық газеттер, республикалық «Казахстанская правда» газетінің, «РТРК «Казахстан» телеарнасының тілшілері қатысты. Ақмола ЖИТСОО-ң бас дәрігері Курманбек Бурмаганов қатысушыларға Қазақстан Республикасында 2016 жылғы қарашаның 10-нан желтоқсанның 10-на дейін Дүниежүзілік ЖИТС-пен күрес науқаны өтетіні, айлық ішіндегі негізгі іс-шаралар туралы айтып берді. Эпидемиологиялық бөлім меңгерушісі Сауле Жаканова облыста АИТВ-жұқпасы бойынша қалыптасқан эпидемиологиялық жағдай жөнінде айтты. Диспансеризация және емдеу-алдын алу бөлімінің меңгерушісі Гульбаршин Жаксалыкова АИТВ-позитивтілер, АРВТ емдеу туралы статистикалық мәліметтер келтірді. Жеке басында болған оқиға туралы «Сенім» оңалдыру орталығының пациенті әңгімеледі. Баспасөз-конференцияға қатысқандар орталық мамандарынан барлық мүдделі сұрақтарға жауап алды.
