2025 жылғы 18 қарашада Ақмола облыстық АИТВ-инфекциясының алдын алу орталығының мамандары «Panacea clinic» ЖШС Жастар денсаулық орталығымен бірлесіп, Көкшетау қаласындағы №22 жалпы білім беретін мектебінің оқушылары арасында алдын алу дәрісін өткізді.
Осы күні облыстық АИТВ орталығының эпидемиолог дәрігері- Балғын Сарбасова оқушылармен АИТВ-ның берілу жолдары мен оның алдын алу шаралары туралы әңгімелесті. Бұдан бөлек, тыңдаушылармен жыныстық жолмен берілетін инфекциялардың алдын алу мәселелері және қауіпсіз мінез-құлық дағдылары талқыланды.
Іс-шара 2025 жылғы 10 қарашада басталып, бір айға созылатын Дүниежүзілік ЖИТС-пен күрес науқаны аясында өтті. Науқанның негізгі мақсаты - қоғамның АИТВ мәселелеріне назарын аудару және өз денсаулығына жауапкершілікпен қарау мәдениетін нығайту.
