2025 жылдың 16 қазанында «Panacea clinic» ЖШС Жастар денсаулығы орталығында Азаматтық қорғау жоғары көпсалалы колледжінің бірінші курс студенттерімен тренинг өтті.
Іс-шара барысында Ақмола облыстық АИТВ-инфекциясының алдын алу орталығының алдын алу жұмысы бөлімінің меңгерушісі- Асель Балтабаева мен Жастар денсаулығы орталығының психологы- Улпан Аманбаева, ашық диалог форматында студенттермен АИТВ-инфекциясының және жыныстық жолмен берілетін инфекциялардың берілу жолдары мен алдын алу шаралары, ерте жүктіліктің салдары туралы әңгімелесті.
Жастар арасында ақпараттық-білім беру жұмысын күшейту жоспары аясында, өткізілген тренингтің мақсаты - қауіпсіз мінез-құлық дағдыларын қалыптастыру, өз денсаулығына саналы көзқарасты дамыту, сондай-ақ АИТВ-мен өмір сүретін адамдарға қатысты стигма мен дискриминация деңгейін төмендету.
Осындай кездесулер жастардың білімін кеңейтіп, саналы шешім қабылдауға және қорқыныш емес, хабардарлық үстемдік ететін, денсаулыққа жауапкершілік қалыпты құндылыққа айналған қоғам құруға үлес қосады.
