2025 жылдың 8 қазанында Ақмола облыстық АИТВ-инфекциясының алдын алу орталығының мамандары Көкшетау қаласында Абай Мырзахметов атындағы университет студенттері арасында акция өткізді.
Бұл күні жігіттер мен қыздар интерактивті әңгіме барысында АИТВ-инфекциясы мен жыныстық жолмен берілетін инфекциялардың алдын алу шаралары туралы ақпарат алды. Сонымен қатар, акция аясында әрбір ниет білдіруші өзінің АИТВ мәртебесін жедел тестілеу әдісімен тексере алды, ол үшін орталықтың медицина қызметкерлері тестілеу пунктін іс-шара өтетін жерде орналастырды.
«Бүгінгі күні жастар- жыныстық жолмен берілетін ауруларға өте бейім контингент, сондықтан олардың сауаттылығын арттыру және қауіпсіз мінез-құлық пен салауатты өмір салты дағдыларын қалыптастыру біздің жұмысымыздың маңызды бағыты болып табылады», - деп бөлісті алдын алу жұмысы бөлімінің меңгерушісі- Асель Балтабаева.
Айта кетсек, осындай іс-шараларды Ақмола АИТВ орталығымен және басқа оқу орындарының студенттерімен бірге өткізу жоспарлануда, өйткені алдын алу - медициналық және білім беру мекемелерінің бірлескен күш-жігерін қажет ететін жүйелі жұмыс.
