Ақмола облыстық АИТВ-инфекциясының алдын алу орталығының медицина қызметкерлері жастардың өз денсаулығына жауапкершілікпен қарауын қалыптастыруға бағытталған кезекті акция өткізді. Бұл жолы оған Қазақстандағы Төтенше жағдайлар қызметтерінің офицерлерін дайындайтын жалғыз жоғары оқу орнының курсанттары қатысты.
2025 жылғы 18 қыркүйекте Мәлік Ғабдуллин атындағы Азаматтық қорғау академиясында АИТВ-инфекциясының алдын алу бойынша акция өтті. Кездесу барысында тестілеуден уақтылы өтуге және қажетті медициналық көмек алуға кедергі келтіретін ескірген стереотиптерді ақпараттандыру және жою мәселелеріне ерекше назар аударылды.
Курсанттар жұқтыру жолдарына, алдын алу шараларына және АИТВ-инфекциясын заманауи емдеу ерекшеліктеріне қатысты өзекті тақырыптарды талқылауға қатысты. Іс-шараның түрі интерактивті болды, бұл әркімге мамандарға сұрақтар қоюға және оларға толық жауап алуға мүмкіндік берді.
- Мұндай іс-шаралар орталықтың жастармен ақпараттық-білім беру жұмысының маңызды бөлігі болып табылады. Олардың ерекшелігі - аудиториямен ашық диалог және әрбір адам үшін АИТВ-ға жедел тестілеуден өту мүмкіндігі,-деп атап өтті эпидемиолог дәрігері-Балгын Сарбасова.
Айта кету керек, орталықтың медицина қызметкерлері жүргізетін алдын алу акциялар жастардың қызығушылығы мен белсенді қолдауына ие. Олар Денсаулық сақтау мәдениетін қалыптастыруға көмектеседі және үнемі тестілеуден өтуге ынталандырады.
