Ақмола облыстық АИТВ-инфекциясының алдын алу орталығының мамандары Аршалы ауылының "№2 мекеме" РММ-ге жоспарлы түрде барды.
Сапар барысында диспансерлік есепте тұрған пациенттермен әңгімелер өтті. Дәрігерлер емдеуді ұстанудың маңыздылығы, денсаулықты сақтау және терапияның тиімділігін арттыру үшін антиретровирустық препараттарды үнемі қабылдау қажеттілігі туралы егжей-тегжейлі айтып берді.
Сонымен қатар, пациенттерге біржолғы әлеуметтік жәрдемақы алудың тәртібі түсіндірілді.
Мекеме қызметкерлері үшін оқыту семинары ұйымдастырылды. Мамандар АИТВ-ның таралу жолдары, алдын алу шаралары және мекеме ішінде инфекцияның таралуын болдырмауға қатысты негізгі мәселелерді қарастырды. АИТВ-мен өмір сүретін адамдарды стигматизациялау мен кемсітуге жол бермеу мәселесіне ерекше назар аударылды.
Орталықтың эпидемиологиялық бөлімінің меңгерушісі - Батеш Бапенова: «№2 мекеме сияқты жабық мекемелерде, АИТВ-инфекциясының алдын алу шараларын сақтау өте маңызды, өйткені жабық кеңістік пен режим ерекшеліктері қосымша қауіп-қатерлер туғызады. Инфекцияның таралу жолдарын білу және алдын алу шараларын қатаң сақтау инфекцияның жаңа жағдайларының алдын алуға мүмкіндік береді. Сонымен бірге АИТВ-мен өмір сүретін адамдарға толерантты көзқарас қалыптастыру қажет. Қорқыныш пен алалаушылық олардың әлеуметтік бейімделуіне және медициналық көмекке қол жетімділігіне кедергі келтіруі мүмкін емес.»
