
Ақмола облысында Дүниежүзілік ЖИТС-пен күрес күніне арналған негізгі іс-шаралар аяқталды. Алайда жастармен алдын алу кездесулері жалғасуда.
2024 жылдың бесінші желтоқсанында Облыстық АИТВ-инфекциясының алдын алу орталығының мамандары Көкшетау жоғары медициналық колледжінде болды.
Дәстүр бойынша ақпараттық кездесу аудиториямен белсенді диалог форматында өтіп, онда АИТВ-инфекциясының берілу жолдары мен алдын алу шаралары, контрацепция және қауіпсіз жыныстық мінез-құлық мәселелері талқыланды.
Айта кету керек, ең басында бірінші курс студенттері "Ақпарат желісі" атты шағын тренингтік жаттығуға қатысты.
- Мен бұл жаттығуды қатысушыларға АИТВ туралы білім деңгейін көрсету үшін бірінші рет қолданып отырған жоқпын, - деді кездесу спикері - Нурлыбек Конуспаев. - Жаттығу қарапайым: бірнеше еріктілер қатарға тұрып, көздерін жұмады. Олар АИТВ-ға қатысты мәлімдемелерді оқиды, мысалы: "АИТВ-ны сілекей арқылы жұқтыруға бола ма?». Егер адам мәлімдемемен келіссе, ол алға қадам жасайды, егер жоқ болса - артқа, ал жауап болмаған жағдайда орнында қалады. Бұл тәсіл аудиторияны белсендіруге және білімдегі олқылықтардың қай жерде екенін нақты көрсетуге көмектеседі.
Сонымен қатар, іс-шара лекторы болашақ медицина қызметкерлерінің назарын АИТВ-мен өмір сүретін адамдардың құқықтарын сақтаудың және алынған ақпаратты күнделікті өмірде пайдаланудың маңыздылығына аударды.