Дүниежүзілік ЖИТС-пен күрес күні қарсаңында болашақ дәрігерлермен кездесу өтіп, онда АИТВ-ға қатысты жиі кездесетін мифтер талқыланды.
2024 жылдың 25 қарашасында Ш.Уәлиханов атындағы Көкшетау университетінде «АИТВ туралы: қарапайым сөзбен айтқанда» акциясы өтті. Шараның спикері Ақмола облыстық АИТВ-инфекциясының алдын алу орталығының алдын алу жұмысы бөлімінің маманы- Нурлыбек Конуспаев.
Іс-шараның форматы интерактивті болды: қатысушылар баяндаманы тыңдап қана қоймай, сонымен қатар талқылауларға белсенді қатысып, тренинг жаттығуларын орындап, сұрақтар қойды.
АИТВ-мен өмір сүретін адамдар кездесетін стигма мен кемсітушілік тақырыбына ерекше назар аударылды. Мұндай жағдайлардың тіпті медициналық ұйымдарда да жиі болатыны, онда пациенттер білімнің жоқтығынан және стереотиптік пікірлерден зардап шегетіні бөлек талқыланды.
«Болашақ дәрігерлердің міндеттерінің бірі - бұл жағдайды өзгерту, барлық пациенттерге тең және құрметпен қарауды қамтамасыз ету», - деп бөлісті маман.
Кездесуде олар АИТВ-ға қатысты негізгі мынадай аспектілерді талқылады: жалпы ақпарат пен теріске шығару мифтерінен бастап, толеранттылық пен медицинадағы кәсіби этиканы сақтаудың маңыздылығына дейін.
