2023 жылғы 19 наурызда Қазақстанда Парламент Мәжілісі мен барлық деңгейдегі мәслихаттар депутаттарының сайлауы өтетіні белгілі.
Сайлау қарсаңында Ақмола облыстық АИТВ-инфекциясының алдын алу орталығында қызметкерлер арасында ақпараттық іс-шара өтті, онда Орталықтың бас дәрігері- Курманбек Бурмаганов әріптестерін сайлауға қатысуға шақырып, осылайша өзінің азаматтық ұстанымын көрсетіп, елдің болашағы үшін өз дауысын беруде.
Бұдан әрі бас дәрігердің орынбасары- Сауле Жаканова сайлау учаскелерінде ел азаматтары алатын дауыс беру рәсімдері мен бюллетеньдер туралы толығырақ айтып берді.
Жасыл түс-бір мандатты округ бойынша мәжіліске кандидаттарға дауыс беру.
Көкшіл түс-партиялық тізімдер бойынша мәжіліске кандидаттарға дауыс беру.
Қызғылт сары түс-бір мандатты округтер бойынша облыс, республикалық маңызы бар қала және астана мәслихатына кандидаттарға дауыс беру.
Күлгін түс – облыс, республикалық маңызы бар қала және астана мәслихатына кандидаттарға партиялық тізімдер бойынша дауыс беру.
Сұр түсті – бір мандатты округ бойынша облыстық маңызы бар қалалар мен аудандардың мәслихатына кандидаттарға дауыс беру.
Естеріңізге сала кетейік, өткен референдум мен Конституцияға енгізілген өзгерістерден кейін мажоритарлық жүйенің элементтері сайлау процесіне оралды - енді Парламент Мәжілісінің 29 депутаты бір мандатты округтерден сайланатын болады, сондай-ақ Саяси партиялар үшін сайлау шегі ел Мәжілісі мен мәслихатына өту үшін 7-ден 5% - ға дейін төмендетіледі.
