Медицина қызметкерлерінің күні біздің орталықта әрдайым ерекше атап өтіледі, өйткені бұл медицинада жұмыс істейтіндердің барлығының кәсіби мерекесі.
Дәрігер болсын, медбике болсын, зертханашы болсын, әкімшілік және шаруашылық қызметкері болсын, әрбір қызметкер халықтың жағдайын жақсартуға атсалысуының маңыздылығын түсінеді.
30 жылдан астам тарихта кәсіпқойлығы жоғары, өз ісіне жауапкершілік пен парызын сезінетін ынтымағы жарасқан ұжым қалыптасты.
Соңғы жылдары орталықтың материалдық-техникалық жабдықталуы жақсарды. Зертханада АИТВ-инфекциясын, В және С гепатиттерін және оппортунистік ауруларды диагностикалауға арналған ИФА заманауи жабдықтары, пациенттердің иммунограммаларын анықтауға арналған ағын цитометрі, фотоэлектрокалориметрі, микроскобы, биохимиялық және гематологиялық зерттеулерге арналған автоматты құрылғылары бар. Өткен жылдан бастап ПТР бөлімі жыныстық инфекциялардың, В және С гепатиттерінің қоздырғыштарын анықтау бойынша зерттеулермен толықтырылды.
АИТВ-инфекциясын емдеуді мемлекет тегін медициналық көмектің кепілдік берілген көлемі (ТМККК) бойынша тегін қамтамасыз ететінін атап өту маңызды. Бүгінгі таңда біздің дәрігерлерімізде емдеудің заманауи схемалары бар, олар тиімділікті арттырады және антиретровирустық препараттарды қабылдауды жеңілдетеді.
АИТВ-мен өмір сүретін балалар ай сайын барлық аудандарда әлеуметтік көмек алады, ал ересек пациенттер бір уақытта барлық облыс бойынша алады.
Біздің пациенттерге әлеуметтік қолдау көрсетілмейтін аудандарда біз оларды жергілікті мәслихаттар алдында қарауға бастамашы боламыз, дейді орталықтың бас дәрігері К.Бурмаганов. Алдын алу жұмыстарының дәстүрлі түрлерінен басқа, орталық халықтың түрлі топтарын ақпараттандыру мен кеңес беруде әлеуметтік желілерді белсенді түрде пайдаланатынын ерекше атап өткім келеді.
Өздеріңіз көріп отырғандай, орталық АИТВ-инфекциясының алдын алу, диагностикалау және емдеу бойынша үлкен жұмыс жүргізуде және бұл өз жемісін беруде, деп қорытындылады спикер.
"Құрметті әріптестер, біздің кәсіби мерекеде сіздердің еңбектеріңіз үшін шынайы алғыс сөзімді қабыл алыңыздар. Кәсіби қызметте табыс, болашаққа сенімділік және отбасылық амандық тілеймін! Өздеріңізді қорғап, сау болыңыздар!",- деп құттықтады Курманбек Жумабекович.
