2016 жылғы 11 мамырда Ақмола облыстық ЖИТС-пен күрес және оның алдын алу орталығында Халықаралық ЖИТС-тен қайтыс болғандарды еске алу күніне арналған баспасөз-конференция болып, оған облыстық телевидениеден, облыстық және қалалық газеттерден 5 журналист қатысты.
Баспасөз-конференцияны бас дәрігердің орынбасары С. Какпенов ашып, осы күннің тарихы, міндеттері мен мақсаттары туралы айтып берді. Дәрігер-эпидемиолог С. Жаканова Қазақстан Республикасы және Ақмола облысындағы АИТВ бойынша эпидемиологиялық жағдай жөнінде мағлұмат берді, ал емдеу-алдын алу бөлімінің меңгерушісі Г. Жаксалыкова диспансерлік бақылау және АИТВ-жұқтырғандарды емдеу туралы әңгімеледі. Орталықтың мамандары журналистердің сұрақтарына жауап беріп, баспасөз-релиз таратты.
