2021 жылғы 19 мамырда Ақмола көпбейінді облыстық ауруханасында (КОА) медицина қызметкерлерімен "АИТВ-инфекциясының алдын алудың өзекті мәселелері" бойынша онлайн -семинар өткізілді.
Бұл семинарда Ақмола облыстық ЖИТС-пен күрес және алдын алу орталығының мамандары спикер болды.
Эпидемиологиялық бөлімнің эпидемиолог дәрігері- Гульмира Сиражиденова, АИТВ инфекциясы мен медицина қызметкерлерінің кәсіби жұқтыруының алдын алу мәселелері бойынша қолданыстағы бұйрықтар жөнінде кеңес берді.
Емдеу-алдын алу бөлімінің инфекционист-дәрігері Гульбаршин Жаксалыкова әріптестерімен АИТВ-ның перинаталдық жолмен берілуінің алдын алу (яғни анадан балаға) бойынша өзекті ақпаратпен бөлісті.
Зертхана меңгерушісі- Гульнар Шешмуканова, өз презентациясында медицина қызметкерлерінің назарын АИТВ инфекциясын зерттеу үшін биоматериалды алу, сақтау және тасымалдау қағидаларына, сондай-ақ халықты АИТВ-ға тексеру тіркелімінің (ХОТ) ақпараттық жүйесін жұмысқа белсенді тарту қажеттілігіне аударды.
Алдын алу жұмысы бөлімінің эпидемиолог дәрігері- Балгын Сарбасова, КОА-ға бұрын жүргізілген мониторингтік сапардың қорытындысын шығарып, АИТВ инфекциясы мәселелері бойынша халыққа медициналық көмек көрсетуді жақсарту жөнінде ұсыныстар берді.
Осы іс-шараға аурухананың 100-ден астам медицина қызметкерлері қатысты.
