Әлемде жыл сайын 1 желтоқсан ЖИТС-пен күрес күні ретінде аталып өтеді. 10 қарашадан 10 желтоқсанға дейін бүкіл Қазақстан бойынша салауатты өмір салтын насихаттауға, АИТВ/ЖИТС туралы тұрғындарды ақпараттандыруға бағытталған, заманауи техникалық құралдар және ағарту формаларын қолданып, жастарға ерекше көңіл бөлініп, әр түрлі іс-шаралар өткізіледі.
Cалауатты өмір салтын насихаттауға, АИТВ/ЖИТС туралы жастарды ақпараттандыруға қалалық кітапханалар ЖИТС орталығының мамандарымен бірлесіп белсенді қатысты, көрмелер ұйымдастырды және ақпараттық-білімдендіру тренингтерін өткізді. Осы тренингтер барысында АИТВ-инфекцияның жұғу жолдары жөнінде айтылып, рольдік ойындар арқылы қоғамның АИТВ-оң адамдарға деген көзқарасы көрсетілді. АИТВ/ЖИТС туралы ақпараттану бойынша сауалнама өткізіліп, оның орта көрсеткіші 57% құрады. Ақпараттық-білімдендіру тренингтерімен №22 оқу-тәрбиелік кешен және №1 сервистік-техникалық кешен қамтылды, жалпы келгендер саны 44 адам болды.
