2019 жылдың 25-26 қыркүйегінде Ақмола ЖИТС ОО мамандарының бригадасы ауданның медицина қызметкерлеріне арналған медициналық кеңес, семинарлар өткізді, онда Ерейментау ауданында АИТВ-инфекциясының таралу ерекшеліктері және басқа ведомстволармен бірлесіп алдын алу жұмыстарын жүргізу қажеттілігі туралы ақпарат берілді.
Сондай-ақ, халықтың жекелеген топтарын АИТВ-ға тестілеуімен міндетті түрде қамту, АИТВ-мен байланыста болған адамдармен жұмыс, инвазивті процедуралар кезінде сақтық шараларын сақтау, бұқаралық ақпарат құралдарын, әлеуметтік желілерді және т.б. кеңінен тарта отырып, АИТВ-ның алдын-алу бойынша тұрғындармен ақпараттық жұмыс жүргізу қажеттілігі туралы жаңа ережелерге түсініктемелер берілді.
