2019 жылдың 3 маусымында нашақорлықпен және есірткінің заңсыз айналымымен күрес Халықаралық күні аясында Ақмола облыстық ЖИТС-тың алдын алу және оған қарсы күрес орталығы облыстық психикалық денсаулық орталығымен бірлесіп Көкшетау қаласының №26 мамандандырылған өрт сөндіру бөлімінің жеке құрамымен кездесу өткізді.
Іс-шара барысында ЖИТС ОО дерматовенеролог дәрігері Г. Ергазиева АИТВ-инфекциясының және жыныстық жолмен берілетін инфекциялардың берілу жолдары мен алдын алу әдістері туралы айтып берді. Өзін-өзі емдеу салдарына және ЖЖБИ-ға тексерілудің маңыздылығына тоқталды.
Одан әрі облыстық психикалық денсаулық орталығының психологы Н. Молодовская жиналғандарды адам ағзасына психоактивті заттардың зиянды әсері туралы хабардар етті. Темекі, насыбай, алкоголь және басқа да есірткі заттарын қолданудың салдары туралы толығырақ айтып берді.
Іс-шара аудиторияның сұрақтарымен және мамандардың жауаптарымен аяқталды.
