2019 жылдың 14 мамырында Көкшетау қаласында Ақмола облыстық ЖИТС-пен күрес және алдын алу орталығының мамандары № 1 қалалық емхананың медицина қызметкерлерімен семинар өткізді, оның негізгі мақсаты - АИТВ-инфекциясы мәселелері бойынша әдістемелік көмек көрсету.
Орталықтың емдеу-алдын алу бөлімінің дәрігері Х.Нугуманова медицина қызметкерлерін нормативтік-құқықтық құжаттармен таныстырды, ал алдын алу бөлімінің эпидемиолог дәрігері А.Балтабаева Ақмола облысындағы эпидемиологиялық жағдай бойынша мәліметтерді келтіргеннен кейін, жұмыс орындарында АИТВ-инфекциясының кәсіби жұғуының алдын алудың негізгі әдістері туралы әңгімеледі. Бұдан әрі Ақмола ЖИТС орталығының дәрігер-зертханашысы Л.Маслова құжаттаманы рәсімдеуде негізгі қателерді талдай отырып, АИТВ-инфекциясының зертханалық диагностикасы үшін биоматериалды алу, сақтау және жеткізу ережелері туралы мазмұнды баяндама жасады. Іс-шараға барлығы қырықтан астам орта медицина қызметкерлері мен дәрігерлер қатысты.
