15 қараша 2015 жылы Мәлік Ғабдуллин атындағы № 3 көппрофильді гимназия негізінде таеквондо WTF бойынша Мәлік Ғабдуллиннің 100 жылдығына арналған ББСМ біріншілігі болып, оған Астана, Щучинск, Макинка (Бұланды ауданы), Бурабай кентінен, Новоишимка (СҚО) және Көкшетау қаласынан 2007-1998 жылы туған 93 спортсмен қатысты. Дүниежүзілік ЖИТС-пен күреске арналған айлық аясында Ақмола облыстық ЖИТС-пен күрес және оның алдын алу орталығы демеуші болып, 3 кубок арнады.
Турнир жоғары ұйымдастыру деңгейінде өтіп, екі даянгада естен кетпес жарыс болып, соңында номинациялар бойынша кубоктар тапсырылды. «Үздік спортшы» Өтеген Нұртасқа тиіп (Көкшетау), «Үздік техника» астаналық Бірлік Ерсұлтанға бұйырды, ал «Жеңіске ұмтылғаны үшін» Габбас Темирланға (ББСМ) тапсырылды. Командалар мен тәлімгерлерге сыйлық ретінде Мәлік Ғабдуллин музейінің директоры Құдайберлі Рахымбекұлы кітаптар тапсырды.
