Ақмола облыстық ЖИТС-пен күрес және алдын алу орталығы қалалық емхана жанындағы Салауатты өмір салтын қалыптастыру орталығымен бірлесе отырып 2019 жылдың 11 ақпан күні «АИТВ - инфекциясын алдын алу», «Жастар денсаулық орталығының қызметі туралы» Көкшетау қаласы №22 жалпы білім беру мектебінің оқушылармен кездесу өткізді.
Кездесу барысында педагог Кульбаева А. АИТВ-инфекция мен ЖИТС туралы ұғымдардың айырмашылығы жөнінде, сонымен қатар алдын алу шараларымен таныстырды және жасөспірімдер арасындағы өз денсаулығына жауапкершілікпен қарауға шақырды. Одан әрі СӨСҚО-ң мамандары жастарға арналған орталығының жұмысымен таныстырып, оқушыларды салауатты өмір салтын ұстануға шақырды. Кездесу соңында оқушылар арасында сауалнама өткізіліп, ақпараттық-ағарту материалдары таратылды.
