2018 жылдың 23 маусымында Ақмола облыстық ЖИТС-пен күрес және алдын алу орталығының мамандары Халықаралық нашақорлықпен және есірткі бизнесімен күрес күніне арналған қалалық акцияға қатысты. Акция Ақмола облысының Жастар саясаты мәселелері жөніндегі басқармасымен, есірткі бизнесіне және есірткінің заңсыз айналымына қарсы күрес басқармасымен, Жастар ресурстық орталығымен ұйымдастырылды.
Акция барысында хип-хоп мәдениетінің ұжымдарының арасында байқау, шығармашылық ұжымдарының мен жас каратэшілердің көрсетілімдері өткізілді, "Сенім" оңалту орталығының пациенттермен қойылым көрсетілген, нашақорлықтың және АИТВ-инфекциясының алдын алу ақпараттық-білім беру материалдары таратылды.
