3 қыркүйек 2015 жылы Ақмола ЖИТС ОО алдын алу бөлімінің педагогы Сулейменова А.С. облыстық кәмелетке толмағандардың бейімделу орталығына барып, АИТВ-инфекция туралы аңыздар мен фактілер жөнінде әңгіме айтып, «Екі шындық пен бір өтірік» дегенмен таныстырды. АИТВ/ЖИТС бойынша балалардың білім деңгейін анықтайтын сауалнама өткізілді. Ақпаратты жақсырақ меңгеру үшін «АИТВ/ЖИТС туралы суреттер тілімен оқыту бейнеролигі» көрсетіліп, АИТВ-ң ЖИТС-тен қандай айырмашылығы бар екені, адамға несімен қауіпті екендігі талқыланып, жұғу жолдары бойынша «Ромашка» жаттығуы жасалып, білімдері бекітілді, АИТВ-инфекцияны жұқтырмау үшін не істеу керектігі айтылды. Кездесу соңында барлығына 24 дана буклеттер, бүктемелер таратылды.
