2017 жылдың 12-13 желтоқсанында Ақмола облыстық ЖИТС-пен күрес және алдын алу орталығының маманымен, Ақмола облысы бойынша Мәдениет басқармасы мен Ауылшаруашылық басқармасында, АИТВ жұқпасының алдын алуы бойынша дәріс өткізілді.
Алдын алу бөлімінің дәрігері Ш.Торебаев, қатысушыларға ЖИТС пен АИТВ жұқпасы дегеніміз не, жұғу жолдары, диагностикасы мен алдын алу шараларын айтып, АИТВ-жұқпасының эпидемиологиялық жағдайына көбірек тоқталып, Дүниежүзілік ЖИТС-пен күрес науқанын, АИТВ-мен өмір сүретін адамдардың таңбасы мен кемсітушілігін әңгімелеп берді. Аудиториядағылар ақпаратты қызығушылықпен қабылдап, сұрақтар қойды.
Соңында ақпараттық-білімдендіру материалдары таратылып, әлеуметтік сауалнама жүргізілді.
